Nekane Garcia de Ormaetxea misiolariak, Karmeldar Misiolariak, Euskadira egindako bisita dela eta, atzo, astelehena, Bunkeyaren misioaren eta, oro har, Kongoko Errepublika Demokratikoaren azken berriak bertatik bertara entzun ahal izan genituen.
Misiolariekin elkartu aurretik, gure parrokia bisitatzeko aprobetxatu zuen eta eskerrak eman zizkion parrokiak urtero misio honetarako ematen duen laguntzagatik. Ondoren, Kongoko E.D.-ko misiolari ohi batzuek eta Amigos de Mufunga Fundazioko kolaboratzaileek ordu batzuetako topaketa, albiste eta oroitzapenak partekatu ahal izan zituzten misiolariarekin.
Gaur asteartea, Nekane Garcia gotzaitegira igo da Joseba gure Gotzaina agurtzeko. Joan den urtean ezagutu zuen Joseba Gotzaina Katangako (Kongoko E.D.) misioetara joan zen.
Hilaren amaieran, Nekane Bunkeyako misiora itzuliko da. Bertan, azken 34 urteetan, behartsuenekin bizi izan da.
Egoera soziala eta politikoa
Bilera horretan, Nekanek Afrikako herrialdeak bizi duen egoera politiko, sozial eta ekonomiko zaila aipatu zuen. Bereziki, herrialdeko Elizak abenduko hauteskundeen ondoren gobernuarekin duen liskarra aipatu zuen. Kinshasako Artzapezpikuak irmoki salatu ditu hauteskunde prozesuaren irregulartasunak.
