ELKARTEARI
San Bizente parrokia-komunitate maitea,
Ekaineko “Albia” honen etorrerak ikaskuntzaz, esperientziaz eta hazkuntzaz betetako ikasturtea agurtzera gonbidatzen gaitu. Urte honetan zehar, parrokian, gogoeta, otoitz eta zerbitzurako uneak konpartitu ditugu, Ebanjeliotik datorren pozak eta itxaropenak bultzatuta.
Bidezkoa da bide honetan parte hartu duten guztiei eskerrak ematea. Eskerrik asko, zuen dedikazio, ahalegin eta eskuzabaltasunez, gure parrokiari zerbitzu ezberdinetan dedikazio nekaezina eskaini diozuen guztioi. Halaber, eskerrik asko ospakizun eta jardueretan parte hartzen duzuenoi.
Egun hauetan, gure neska-mutilak eta haien begiraleak udalekua egiten ari dira, beren fede-prozesuaren esperientzia indartsu gisa eta atseden-denboraz gozatzen.
Datorren uda honetako atsedenak indar eta ilusio berriak eskainiko dizkigula, gure misio ebanjelizatzailearekin gogo biziz jarraitzeko. Kristoren bakea eta maitasuna zuekin eta zuen familiekin batera.
Datorren ikasturtearen hasieran egongo gara berriro irailean, fedean batera hazten jarraitzeko prest. Ordura arte, Jainkoak bedeinka zaitzatela.
Maitasunez eta esker onez, zuen erretorea, Fernando Marcos Ayjón
