Datorren irailaren 7an, Mariaren Legioak bere sorreraren mendeurrena ospatuko du mundu mailan.
Gure parrokiako Mariaren Legioko taldeak bat egin nahi du ospakizun honekin eta, horretarako, irailaren 7an, asteartea, arratsaldeko 7etan, Santiago Katedralean egingo den eukaristian parte hartuko du. Eukaristia horren buru On Joseba Segura, Bilboko gotzaina, izango da.
GURE PARROKIAN
Parrokiako Mariaren Legioko taldea asteazkenetan biltzen da, 17:45etatik 19:15etara, otoitz egiteko, apostolu-jarduera berrikusteko eta prestakuntza gaiak aztertzeko apostolutza eraginkorragoa izan dadin. Gainera, adineko pertsonak bisitatzen dituzte eta Jesusen Mirabeekin lankidetzan aritzen dira, nahiz eta gaur egungo egoera dela eta, ezin izan dituzten boluntario-lanak erabat egin.
MARIAREN LEGIOA
Mariaren Legioa apostolutza zuzenean konprometitutako Sekular Katolikoen nazioarteko mugimendu bat da. Dublinen (Irlanda) sortu zuten 1921eko irailaren 7an hamabost lagunek, Frank Duff Finantza Departamentuko funtzionario gaztearen gidaritzapean. Sortu zenetik gaur arte, munduko elizbarruti guztietara zabaldu da. Bere helburua Jainkoari aintza ematea da, bere kideen santutasun pertsonalaren bidez, otoitzaren eta lan aktiboaren bidez saiatzen dena. 2014ko martxoaren 25ean, Jaunaren Deikundearen eguna zela eta, Laikoentzako Kontseilu Pontifizioak Mariaren Legioa fededunen nazioarteko elkarte gisa aitortzea erabaki zuen.
“Fedea, entrega, ebanjelizatzea… Mariagatik Jesusengana iristeko”
