GAZTEEN KONBIBENTZIAK
Joan den asteburuan, Abandoko San Bizente Martiria eta San Fernando parrokietako gazte taldeak Durangaldeko herri txiki batera joan ziran, Izurtzara.
Asteburu hartan, bi parrokietako gazteek errutinatik deskonektatu ahal izan zuten, dinamika eta jarduera ezberdinak eginez. Emozio asko bizi diren asteburua da, eta oso laburra egiten da. Gaia Qatarko mundiala izan zen. Beraz, herrialde horretan dauden gaiak eta arazoak jorratu eta sakondu zituzten, eta horiek konpontzeko irtenbideak bilatu zituzten.
KATEKISTEN BILERA
Joan den ostiralean, azaroak 18, Fernando Marcos gure parrokoak zuzendutako katekista taldea Bengo Lekuko lokaletan bildu zen OTOITZA gai nagusitzat zuen formakuntza saio bat egiteko.
Saio honetan, Fernandok Jesusen bizitzan otoitzak duen garrantzia gogoratu zuen sarrera baten ondoren. Gainera, bertaratutakoek euren esperientzia pertsonalak konpartitu zituzten eta otoitz mota eta une desberdinei buruz eta gure bizitzetan, gaur egungo familien bizitzan eta katekesi saioetan duen lekuari buruz hausnartu zuten.
III eta VII bikariotzek azaroaren 12an, larunbata, lokal horietan antolatutako prestakuntza-topaketaren eduki eta proposamen batzuk aurkeztu ziren. Halaber, praktika berriak sakontzen eta ezagutzen jarraitzea erabaki zen, katekesiko umeei esperientzia pertsonalak eskaintzeko, etorkizuneko esperientzietan oinarri izan daitezen eta bizitza osoan laguntzeko.
