Ikasturte korapilatsu baten ondoren, katekesi talde guztiok Eukaristia ospatuko dugu datorren ostiralean, maiatzaren 21ean. Ikasturte hau amaitzeko modurik onena da, oso zaila izan baita bizi dugun osasun-egoera dela eta.
Urrian hasi ginenean, zalantza eta beldur asko genituen. Neurri guztiak gure esku hartu genituen arren, hasiera ez zen erraza izan.
Egia esan, gure ilusio eta konpromiso guztiarekin, eta haurren jarrerari esker, hamarrekoa izan baita, lortu dugu. Benetako txapeldunak izan dira eta erraz jarri digute.
Azkenik, maiatzean, 29 umek ospatu dute lehen jaunartzea. Ospakizun xumeagoak izan dira, baina oso biziak. Bizi dugun egoerak beharrezkoak ez diren gauza asko baztertzera eraman gaitu, eta uste dugu horrek lagundu digula benetakoagoak diren ospakizunak egiten.
Gainera, batzuek igandeetan 11etako familia mezara etortzen jarraitu dute eta eurekin bigarren eta hirugarren jaunartzea partekatu ahal izan dugu. Ilusioz gainezka!
Azkenik, datorren ikasturtean haur hauek katekesiko bosgarren mailako taldearekin bat egitea espero dugu, Jesus gure lagunaren eskutik bide zirraragarri hau beraiekin partekatzeko.
Eskerrik asko familiei zuen konfiantzagatik!
